هەواڵە تایبەتەکان: دوای سەرکەوتوو نەبوونی گفتوگۆکان لە نێوان سوپای سوریا و چەکدارانی "طفس" لە رۆژئاوای درعا و قبوڵ نەکردنی مەرجەکانی گواستنەوەی "خلدون الزعنی" و هێزەکانیی بۆ ئیدلب و رادەست کردنی کەلوپەلە سەربازییەکانیان، سوپای سوریا بڕیار بە رووبەڕووبوونەوە و کۆنترۆل کردنی ناوچەکە دا.
ڕۆژی رابردوو سوپای سوریا پێگەکان و بنکەکانی "خلدون الزعنی" و چەکدارانی لە شاری "طفس" بۆردومان کردەوە و چەند هێرشێک بۆ سەر ئەو چەکدارانە ئەنجام دا کە سەرکەوتوو نەبوون. لەلایەکی دیکەشەوە خەڵکی درعا بە کۆبوونەوەیان لەو شارە پشتگیری خۆیان لەو چەکدارانە دەربڕین و وەک هەڕەشەیەک بۆ سەر سوپای سووریا ڕایانگەیاند: "لە ئەگەری بەردەوامی دەستدرێژیی، ئێمە شەڕ رادەگەیەنین."
چەکداران دوای بڵاوکردنەوەی بەیاننامەیەک بۆ رووبەڕووبوونەوەی سوپای سوریا (لەشکری چوارەمی سوپای سوریا) داوای هاوکاری لە خەڵک و بە تایبەت گەنجان کردەوە. هەندێک لە دانیشتوانی دەوروبەری درعا هەروەها بە ڕاگەیاندنی پشتیوانیان لە چەکدارانی "طفس"، ئامادەیی خۆیان بۆ رووبەڕووبوونەوەی سوپای سوریان راگەیاند.
لە رۆژانی رابردوو هەندێک سەرچاوە هەواڵی گواستنەوەی کەلوپەلی سەربازی و تانکی T-72 لەلایەن سوپای سوریا بۆ پارێزگای درعایان بڵاو کردبوویەوە.
شاری "طفس" لەگەڵ شارەکانی دیکە وەک "داعل، مزیرب، تلشهاب، یادوده، صیدا و …" بەشێک لەو ناوچانەن کە لە ماوەی ئۆپەراسیۆنی فراوانی سوپای سوریا لە ساڵانی رابردوو بۆ کۆنترۆل کردنەوەی ناوچەکانی داگیر کراو لە باشوری ئەو وڵاتە، بریتی بوون لەو شارانە کە ئامادە بە قبوڵ کردنی ئاشتی نیشتمانی بوونەوە.
وەک دەبینرێت ماوەی ئاشتی نیشتمانی هەلێک بووە بۆ خۆ ئامادە کردنەوە ئەو چەکدارانە.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.