هەواڵە تایبەتەکان : سی و یەکەمین ڕۆژی شەڕ لە نێوان ئازەربایجان و ئەرمینیا بە گیان لەدەستدانی ژمارەیەکی زۆری خەڵکی سڤیل وەک یەکێک لە خەمبارترین رۆژەکانی شەڕەکەی قەرەباغ تۆمار کرا.
ئێوارەی ئەمڕۆ چوارشەمە شاری "بردا" لە کۆماری ئازەربایجان لەلایەن ئەرمینیا بۆردومان کرا کە تا ئێستا ٢١ خەڵکی سڤیل کوژراون و ٦٩ کەسی دیکەش برینداربوون. بە پێی هەواڵەکان تەرمی کوژراوان پێش گەیشتنی هێزەکانی ئەمنی لەلایەن خەڵکەوە لە کوچەو کۆڵانەکان کۆکرانەوە.
ئەرمینیا پێشتریش شاری گەنجەی لە ئازەربایجان بە چەندین مووشەک کرد بوو ئامانج کە بەو هۆیەوە چەندین خەڵکی سڤیل کوژران و بریندار بوون.
ئەمە لەکاتێکدایە ئەرمینیا هەروەها وڵاتی ئازەربایجان بە بۆردومان کردنی چەندین شوێنی نیشتەجێبوونی خەڵکی سڤیل لە ناوچەکانی قەرەباغ و ئیستپاناکرت و شوشا و هەندێک لە گوندەکان تۆمەتبار دەکات. وەک دەوترێت کەسێک لە شوشا لەم هێرشانەدا گیانی لەدەستداوە.
هەر دوو لایەن یەکتر بە پێشێل کردنی ئاگربەسی مرۆیی تۆمەتبار دەکەن و پێکدادانەکان لە هێڵی پێشەوەی شەڕەکەی بەردەوامە.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.