هەواڵە تایبەتەکان : لەگەڵ بەردەوامی شەڕ و پێکدادان لە ناوچەی کێشە لەسەری قەرەباغ لەنێوان ئازەربایجان و ئەرمینیا، کۆماری ئازەربایجان توانی بەردەوامی بە پێشڕەوییەکانی بداتەوە و تەواوی ئەو ناوچانەی بە درێژایی سنووری لەگەڵ وڵاتی ئێران کۆنترۆل بکاتەوە.
ئیلهام عەلیف سەرۆک کۆماری ئازەربایجان لەگەڵ ڕاگەیاندنی کۆنترۆل کردنی تەواوی ناوچەکانی هاوسنوور لەگەڵ وڵاتی ئێران، بە بۆنەی ئەم سەرکەوتنە پیرۆزبای لە میللەتی ئازەربایجان و ئێران کردەوە.
بە پێی ئەو زانیارییانەی کە لەلایەن ئیلهام عەلیفەوە بڵاو کراوەتەوە، ٢٠ گوند و ناوچەی تازە لەم ئۆپەراسیۆنەدا کەوتۆنەتە ژێر دەسەڵاتی ئەو وڵاتە. ( ڕەنگی شین لە نەخشە)
بەم شێوەیە دا تەواوی ناوچەکانی باشوری ناوچەی کێشە لەسەری قەرەباغ لە ژێر دەسەڵاتی هێزەکانی ئەرمینیا دەرهێنراونەتەوە.
لە ئێستادا هێزەکانی ئازەربایجان خەریکی پێشڕەوی بەرەو ناوچەی "قبادلی"ن. بە پێی ئەو زانیارییانەی کە دەست ئێمە کەوتووە، هێزەکانی ئازەربایجان گەیشتوونەتە گوندی "کلبیرد" لە قولایی "قبادلی" وخەریکی نزیکبوونەوە بە ناوچەی گرنگی "لاچین"ن و تەنیا چەند کیلۆمەتریان ماونەتەوە بگەنە ئەو ناوچەیە.
تێبینی : لەم نەخشەیە پێشڕەوییەکانی ئازەربایجان لە سەرەتای دەستپێکردنی شەڕەکە لە ٢٧ مانگی رابردوو تا ۲۱ی ئەم مانگە بە ڕەنگی زەرد و پێشڕەوییەکانی یەک ڕۆژی رابردووش بە ڕەنگی شین دیاری کراوە.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.