یەکێک لە زیرەکانەترین تاکتیکەکانی هێزەکانی ئاسمانی هاوپەیمانی ئازەربایجان-تورکیا لە شەڕەکەی ئەم دواییەی قەرەباغ، بەکارهێنانی فڕۆکە کۆنەکانی An-2sی سۆڤیەت وەک ئامرازێک بۆ فریودان و ناسینەوەی سیستەمی بەرگری ئەرمەنییەکان لە قەرەباغ و دوای کردە ئامانجی ئەو سیستەمە بە فڕۆکەی بێ فڕۆکەوانی ئینتحاری یە.
ئەم تاکتیکە ئەوەندە کاریگەر بووە کە لە ڕۆژانی سەرەتای ئەم شەڕە، فڕۆکەیەکی بێ فڕۆکەوانی ئینتحاری ئازەربایجان توانی یەکێک لە پێشکەوتووترین سیستەمە دژە فڕۆکەی بێ فڕۆکەوانی ڕووسی بە ناوی Repellent1 کە دروست کراوی ساڵی ٢٠١٦یە لە قەرەباغ بکاتە ئامانج.
لەگەڵ بەکارهێنانی ئەم تاکتیکە ، توانای زرێیی و تۆپخانەکانی ئەرمینیا زەبرێکی کوشندەیان بەر کەوتووە و هێزەکانی هاوپەیمانی ئازەربایجان-تورکیا بە متمانە بە خۆ بوونی زۆرەوە توانیەتی کۆبوونەوەکانی هێزی پیادەی ئەرمینیا لە ماوەی چەند ڕۆژی رابردوو بکاتە ئامانج.
بەڵام لە رۆژی رابردوو وەزارەتی بەرگری ئەرمینیا ڤیدیۆیەکی سەرنج راکێش لە کردنە ئامانجی هاوکاتی هەر دوو فڕۆکەی An-2s و فڕۆکەی بێ فڕۆکەوانی ئینتحاری لە جۆری "هاروپ" کە دروست کراوی ئیسرائیلە بڵاو کردەوە.
ئەگەر بڵاو کردنەوەی ئەم ڤیدیۆیەی بە دەستکەوتنی ئەرمینیا بە تاکتیکی ڕووبەڕوو بوونەوەی ئەم شێوازە هێرشانەی ئازەربایجان لە قەلەم بدرێت، ئەمە مانای ئەوەیە هێزەکانی ئازەربایجان ئەو تاکتیکە زێرینەی لە دەست داوە.
هەرچەندە تا ئێستا ئەرمینیا لەگەڵ بەکارهێنانی شەپۆلی مرۆیی و سوود وەرگرتن لە چەکی دژە زرێ و هێرشەکانی تایبەت لە شاخەکان، توانیەتی بە شێوەیەکی بەرچاو ڕێگری لە پێشڕەوییەکانی زەمینی هاوپەیمانی ئازەربایجان بکاتەوە.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.