بە بۆنەی ساڵیادی سەرکەوتنی شەڕی ٣٣ ڕۆژە؛ئەمینداری گشتی حزبوڵڵای لوبنان بە بۆنەی ساڵیادی سەرکەوتنی مێژوویی بەرخۆدان لە شەڕی ٣٣ ڕۆژە لێدوانێکی بۆ ڕای گشتی بڵاو کردەوە.
سەید حەسەن نەسروڵڵا دوای ئاراستە کردنی پیرۆزبایی بەبۆنەی ئەم سەرکەوتنە بە هەموو لوبنانییەکان و تەواوی ئازادی خوازەکانی جیهان وتی: ئەوەی کە لە شەڕی تەمووز لە دەستپێکی ئۆپەراسیۆنێکی سەربازیەوە بوو بە شەڕێک، بە بڕیاری ئەمریکا و لەلایەن دوژمنی زایۆنیەوە بە سەر لوبناندا سەپێندرا.
لوبنان لەکاتێکدا لە ڕووی سەربازیەوە تەنیا بوو، لەم شەڕەدا لە بەرانبەر سوپایەک کە خۆی بە بەهێزترین سوپای ڕۆژهەڵاتی ناوەڕاست و یەکێک لە بەهێزەکانی جیهان دەزانێ ، شەڕی کرد و ڕاوەستا.
ئەم شەڕە لە ڕووی سەربازی، ئەمنی و فەرهەنگیەوە دەرئەنجامی گەورە و ستراتێژی بە دوای خۆیدا هێنا کە ئاماژە بە سێ دەرئەنجامی دەدەم.
دەرەنجامی یەکەم شکست هێنان بە پڕۆژەی ڕۆژهەڵاتی ناوەڕاستی گەورە بوو کە دەوڵەتی ئەمریکا لەو سەردەمەدا هەوڵی بۆ دەدا.گەڵاڵەی ڕۆژهەڵاتی ناوەڕاستی نوێ کە بە داگیرکردنی ئەفغانستان و عێراق دەستیپێکرد بە تەواوەتی لە لوبنان داڕما.
سەید حەسەن نەسروڵڵا بە ئاماژە بەوەی کە ئیسرائیلییەکان بۆ یەکەم جارە کە لە دۆخی نیگەرانی لە بوون و مانەوەی ڕژێمی ناڕەوایان لە ناوچەکەدان، زیادی کرد: ئاسەواری شکستی سەربازی، سیاسی و دەروونی هێشتا لەم ڕژێمەدا دەبینرێت و لە بەرانبەریدا ئاسەواری سەرکەوتن و هیوا لە ئێمەدا زیندووە.
ئەوەشی وت کە دوژمن لە شەڕی سەربازیدا شکستی هێنا و دەزانێ لە هیچ شەڕێکدا ناتوانێ حزبوڵڵا بتارێنێت بۆیە هەوڵ دەدات جۆرێکی تر شەڕ دروست بکات و ئەوەی لە لوبنان دەبینین بەشێکە لەم شەڕە.
ڕاشیگەیاند کە بوونی هەیمەنەی حزبوڵڵا لە سەر ڕەوتی سیاسی لوبنان درۆیە و ئەگەر بە ئەمریکاییەکان بڵێین کە ئێمە ئامادەین دەست لە بەرخۆدان دژی ئیسرائیل هەڵگرین، ئەوان دەستبەجێ ئێمە لە لیستی تیرۆریزم دەردەهێنن.
کاردانەوە بە ڕێککەوتنی ئیسرائیل و ئیمارات
ئەمینداری گشتی حزبوڵڵا لە کاردانەوە بە ئاسایی کردنەوەی پەیوەندی ئیمارات و ڕژێمی زایۆنی وتی: ئێمە لەم کارەی حاکمانی ئیمارات شۆک نەبووین بەڵکوو ئەم کارە لە پێناو ڕەوتی ئاسایی کردنەوەی پەیوەندییەکان بوو کە کرا. ڕێکەوتی ئەم کارەش نیشانی دەدات کە هەندێ رژێمی عەرەبی خزمەتکاری ئەمریکان.
وتیشی: تا کاتی هەڵبژاردنی ئەمریکا ترامپ بەردەوام دەبێت لە دادۆشینی ڕژێمیەکانی دەڤەری کەنداوی فارس، ئێمە ئەم کارە ئیدانە دەکەین و بە خەیانەت بە ئیسلام ، عەرەبیەت، قودس و پیرۆزاییەکانی دەزانین.
تەقینەوەی بەیروت
سەبارەت بە تەقینەوەی بەیرووت سەید حەسەن نەسروڵڵا وتی: دوو ڕوانگەمان هەیە یان کاری تێکدەرانە بووە و یان بە ڕێکەوت و سوتفە بووە بەڵام چاوەڕوانی دەرەنجامی لێکۆڵینەوەکان دەبین.
جەختیشی کرد کە ئەگەر ئیسرائیل تەقینەوەکەی بەیرووتی ئەنجام دابێت بە هەمان شێوە تۆڵەی لێدەکەینەوە
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.