هەواڵە تایبەتەکان : رۆژی رابردوو ئۆتۆمبێلێکی سەربازی تورکیا لە کاتی دەوریەی هاوبەشەکەی ئەو هێزانە لەگەڵ هێزەکانی ڕووسیا لە رێگای M4ی پارێزگای ئیدلب ـی سووریا لە ڕێگری بۆمبێکی چێندراو کرایە ئامانج.
شایانی باسە مانگی رابردوو هەر لەم شوێنە هێرشێکی هاوشێوە کرا بوو سەر هێزەکانی ڕووسیا و تورکیا.
یەکەمین دەوریەی هاوبەشی ئەم دوو هێزانە لە ١٥ی مانگی ئازاری ئەم ساڵ ئەنجام درا بوو، ئەمەش لە چوارچێوەی رێککەوتنی موسکۆ و بۆ جێ بەجێ کردنی ئاگربەسی بەردەوام لە پارێزگای ئیدلب بووە.
رووسیا و تورکیا سەرەڕای ئەم دەوریە هاوبەشە، رێککەوتوون بە دروست کردنی ناوچەیەکی ئەمنی بە درێژایی رێگای M4 بەڵام ئەم هەنگاوەش لەبەر ئەوەی ناوچەکە لە ژێر کۆنترۆڵی تیرۆریستانی تەحریر شام و گروپەکانی دیکەی سەر بە ئەلقاعیدەیە، تا ئێستا بە تەواوی جێ بەجێ نەکراوە.
ئەو خاڵانەی کە لە مۆسکۆ رێکەوتنی لەسەری کراوە بە شێوەی خوارەوەیە:
یه‌كه‌م: سەرجەم چالاکییە سەربازییەکان بەدرێژایی ھێڵی پێکدادان لە ناوچەی کەمکردنەوەی گرژییەکانی ئیدلب لە کاتژمێر ٠٠:٠١ی ٦ی ئاداری ٢٠٢٠ـەوە راگیران.
دووەم: لە باکووری رێگای سەرەکیی M4 بە قووڵایی شەش کیلۆمەتر و لە باشوورییەوە بە قووڵایی شەش کیلۆمەتر رێڕەوێکی ئارام دروستدەکرێت. لەماوەی حەوت رۆژدا بنەماکانی ئەو رێرەوە له‌لایه‌ن وه‌زاره‌ته‌كانی به‌رگریی كۆماری توركیا و رووسیای فیدراڵ بڕیاریان لێدەدرێت.
سێیه‌م: له رۆژی ١٥ی ئاداره‌وه به‌شێوه‌یه‌كی به‌رده‌وام گه‌ڕانی هاوبه‌شی هێزه‌كانی رووسیا و توركیا له‌سه‌ر رێگەی سه‌ره‌كیی M4 له ناوچه‌ی نیشته‌جێبوونی ترومبا (دوو كیلۆمه‌تر بۆ رۆژئاوای سه‌راقیب) تاوه‌كو عه‌ین ئه‌لحه‌فار ئەنجامدەدرێت.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.