هەواڵە تایبەتەکان : هەلیکۆپتەرێکی رژێمی ئیسرائیل درەنگانی شەوی رابردوو پێگەکانی سوپای سووریا لە ناوچەی "القحطانیه" لە پارێزگای "قنیطره"ی سووریای کردە ئامانج.
بە پێی هەواڵە نافەرمیەکان ئەم هێرشە زیانی گیانی نەبووە و تەنیا زیانی ماددی بە دوای خۆیدا هێناوە.
سوپای رژێمی زایۆنیستی لە بەیاننامەیەکدا بە فەرمی ئەم هێرشەی گرتە ئەستۆ و هێرشەکەی وەک وەڵامدانەوەیەک بە هەوڵی دانانی بومب و تەقەمەنی لە باشوری ناوچەی "جولان"ی داگیرکراو ناوی برد.
دوو رۆژ پێش ئێستا سوپای رژێمی زایۆنیستی بە بڵاو کردنەوەی ڤیدیۆیەک لە هەوڵی ٤ کەسی نەناسراو بۆ دادانی بومب و تەقەمەنی لە باشوری ناوچەی "جولان"ی داگیرکراو هەواڵی دا بوو. هەرچەندە ناسنامەی ئەو کەسانە ئاشکرا نەبوون بەڵام ئەمە بوو بە بیانوویەک بۆ هێرشی تازە ئەو رژێمە بۆ سەر سووریا.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.