هەواڵە تایبەتەکان : یەحیا سەریع ووتەبێژی هێزە چەکدارەکانی یەمەن سەر بە ئەنسارۆڵڵا لە کۆنفرانسێکی ڕۆژنامەوانی دیکەدا ووردەکاری زیاتر لە ئۆپەراسیۆنی ئەم دواییەی ئەنسارۆڵڵا دژ بە تیرۆرستانی داعش و ئەلقاعیدە لە باکوری پارێزگای "البیضاء"ی یەمەن خستە ڕوو.
یەحیا سەریع لەم کۆنفرانسەدا ووتی:
« ئۆپەراسیۆنی ئێمە لە "البیضاء" گەورەترین و گرنگترین ئەندامە تەکفیریەکانی سەر بە هاوپەیمانی دوژمن [سەعودیا]ی کردە ئامانج.
دەوڵەتانی دوژمن بە شێوەی دارایی و کەلوپەلی سەربازی و پزیشکی و ئاسمانی پشتیوانیان لە تەکفیریەکان لە "البیضاء" دەکرد.
ئێمە بەڵگەمان لایە کە بەشداری داعش و ئەلقاعیدە لەگەڵ هێزەکانی خۆفرۆشی حکومەتی دەست لەکارکێشاوەی مەنسوور هادی و باشورییەکان پشتڕاست دەکاتەوە.
لەم ئۆپەراسیۆنە کە بۆ ماوەی یەک هەفتە ئەنجام درا فڕۆکە جەنگییەکانی هاوپەیمانی سەعودیا دەیان جار هێرشیان کردە سەر پێگەکانی ئێمە لەو ناوچەیە.
بە پێی ئەم ئۆپەراسیۆنە ناوچەیەک بە دووری هەزار کیلۆمەتری چوارگۆشە لە کۆنترۆلی داعش و ئەلقاعیدە دەرهێنران و چواردە بنکەی دوژمن کە هەشتیان تایبەت بە ئەلقاعیدە و شەشی دیکەیان تایبەت بە داعش بوون کۆنترۆل کراون.
بە پێی ئەم ئۆپەراسیۆنە هەروەها ٢٥٠ کەس لە تەکفیریەکان کە خەڵکی وڵاتە عەرەبییەکان و وڵاتانی دیکە بوون؛ کوژرا و بریندار و بە دیل گیراون. لە نێوان کوژراوان ٥ کەس لە فەرماندە باڵاکان و بەرپرسی ئەمنی و دارایی داعش دەبینرێت.
بەڵگەکانی ئێمە پەیوەندی و هەماهەنگی تیرۆریستان لەگەڵ سەعودیا و چەندین وڵاتی دیکە بۆ ئەنجامدانی ئۆپەراسیۆنی تیروریستی دەسەڵمێنێت.
ئەمریکا و سەعودیا و ئیمارات لەو وڵاتانەن کە گروپە تەکفیریەکان زیاترین پەیوەندیان لەگەڵ هەیە.
بە خانەوادەی قوربانییەکانی هێرشەکانی داعش و ئەلقاعیدە دەڵێین کە گورزێکی کوشندەمان لە گروپە تیرۆریستییەکان داوە و تۆڵەی شەهیدەکانمان لێ کردەوە.
"البیضاء" بە پیاوانی پاک و ئازادی خوازی، دڵسوزی تەواوی خۆی بۆ ئارمانجە نشتیمانییەکانی یەمەن و سەربەخۆیی و ئازادی دەربڕی و ئەم بابەتە لە مێژووی خەڵکی ئێمە دەنووسرێتەوە.»
بە پێی زانیارییەکانی "هەواڵە تایبەتەکان ڕۆژهەڵاتی ناوەڕاست" دەزگای هەواڵگری ئەنسارۆڵڵا پێش دەستپێکردنی ئەم ئۆپەراسیۆنە لە ساڵی ٢٠١٨وە چەندین ئۆپەراسیۆنی هەواڵگری لەسەر گروپە تیرۆریستییەکانی داعش و ئەلقاعیدە دەستی پێکرد بوو.
داعش و ئەلقاعیدە بە هاوکاری ئەفسەرە هەواڵگرییەکانی سەعودیا و راکێشانی هێزی پسپۆر لە وڵاتی پاکستان و وڵاتانی دیکە لە چەندین میحوەرەوە بە نیازی داگیر کردنی تەواوی پارێزگای "البیضاء" لە یەمەن بوون کە ئەم هەنگاوە لەلایەن ئەنسارۆڵڵا و یەکینەکانی خەڵکی پوچەڵ کران.
وێنەکانی هاوپێچ تایبەتن بە ئۆپەراسیۆنی ئەنسارۆڵڵا دژ بە تیرۆرستانی داعش و ئەلقاعیدە کە هاوکارییەکانی ئەمریکا و سەعودیا لە تیروریزم دەسەڵمێنێت.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.