هەواڵە تایبەتەکان : سێشەممە شەو رژێمی ئیسرائیل بە چەندین بومبی فۆسفۆڕی و ئاگرین چەندین ناوچە لە باشووری لوبنان بۆردومان کرد و هێرشی کردە سەر بنکەیەکی چاودێری حزبوڵڵای لوبنان لە باکوری "میس الجبل".
وەزارەتی بەرگری رژێمی ئیسرائیل دەربارەی هۆکاری ئەم هێرشانە بە بڵاوکردنەوەی بەیاننامەیەک راگەیاند، هێزەکانی حزبوڵڵای لوبنان لە ناو خاکی لوبنانەوە بەرەو هێزەکانی ئیسرائیل تەقەیان کردووە و هێرشەکانی ئەوان وەک وەڵامدانەوەیەک بەو تەقە کردنەوەیە بوون.
سه‌ید حەسەن نەسروڵڵا لە ووتاری تەلەڤیزیۆنی خۆی بە بۆنەی شەوی حەوتەمی موحەڕەم لەسەر ئەم هێرشانە راگەیاند، بومبی فۆسفۆڕی و ئاگرین و دەست درێژییەکان بۆ سەر سنووری لوبنان کە رژێمی ئیسرائیل لە سێشەممە شەو ئەنجامی دا بۆ ئێمە زۆر گرنگ و هەستیار و مەترسیدارە بەڵام من بە ئەنقەست لەم بارەیەوە هیچ لێدوانێک نادەم و بۆ کات و ساتێکی باشتر دوای دەخەم و کاتەکەی دێت.
شایانی باسە دوای ئەوەی لە مانگی رابردوو چەندین کەس لە هێزەکانی حزبوڵڵای لوبنان لە هێرشێکی رژێمی ئیسرائیل بۆ سەر باشوری سووریا کوژران، حزبوڵڵا هەڕەشەی تۆڵەسەندنەوە لە رژێمی ئیسرائیل کردەوە، هەر بۆیە ئەو رژێمە لەو رۆژەوە لە باکوری ناوچە داگیرکراوەکانی فەڵەستین لە حاڵەتی ئامادەباشی دایە.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.