هەواڵە تایبەتەکان : هێزەکانی سوپای میسر سەرەڕای هەڕەشەکانی ئەمریکا ٥ فڕۆکەی جەنگی لە جۆری سوخو٣٥یان لە رووسیا وەرگرتەوە.
بە پێی رێککەوتنی ساڵی ٢٠١٩ی رووسیا و میسر بە نرخی ٢ ملیار دۆلار، سوپای میسر ٢٠ فڕۆکەی سوخو٣٥ لە رووسیا وەردەگرێت. ئەمریکا دوای واژۆکردنی ئەم ڕێکەوتنە هەڕەشەی سەپاندنی گەمارۆی لە میسر کردووە.
میسر دوای رژێمی ئیسرائیل یەکێک لەو وڵاتانەیە کە زیاترین هاوکاری دارایی لە ئەمریکا وەردەگرێت. ئەمریکا لە ساڵەکانی رابردوو چەندین ملیار دۆلار لە بوارەکانی ئابووری و سەربازی هاوکاری وڵاتی میسری کردووە بەڵام میسر سەرەڕای هەڕەشەکانی ئەمریکا لەسەر کڕین و وەرگرتنی فڕۆکە جەنگییەکان لە رووسیا، تا ئێستا بەردەوامە لەسەر بڕیاری خۆی لە کڕینی ئەو فڕۆکانە؛ پێ دەچێت بەشێکی گرنگی ئەم رەفتارەی میسر بگەڕێتەوە بۆ گرنگی ئەو وڵاتە بۆ رژێمی ئیسرائیل کە بە پشتیوانێکی باشی ئەو رژێمە هەژمار دەکرێت و میسر بە زانینی ئەم گرنگیە بە گوێ نەدان بە هەڕەشەکانی ئەمریکا بەردەوامە لەسەر بڕیارەکەی.
ليست هناك تعليقات:
إرسال تعليق
هەڵوێستی خۆت لەسەر ئەم بابەتە لە خوارەوە بنووسە.