ڤیدیۆ| کردنە ئامانجی کاروانێکی هێزە ئەمریکییەکان لە عێراق

هەواڵە تایبەتەکان: گروپی "اصحاب الکهف" کە گروپێکی بەرخۆدانی عێراقیە ڤیدیۆی هێرشەکەی ئەمڕۆی بۆ سەر کاروانێکی هێزەکانی ئەمریکا بڵاو کردەوە کە لە ڕێگەی بۆمبی چێندراوەوە لە قادسییەی عێراق هێرشەکەی ئەنجام داوە.

ئەنسارۆڵڵا بۆ ئەمریکا: ئەوەی لە رێگەی شەڕەوە بەدەستان نەهێنا، بە دانوستاندنیش بەدەستی ناهێنن!

هەواڵە تایبەتەکان: موحەمەد عەبدئەلسەلام ووتەبێژ و بەرپرسی دانوستانکاری ئەنسارۆڵڵا پێشنیاری ئاگربەسی ئەمریکای ڕەتکردەوە و بە پیلان دژ بە یەمەن ناو برد.

عەبدئەلسەلام لە چاوپێکەوتنی لەگەڵ کەناڵی "المسیرە" رایگەیاند:

«پڕۆژەی نوێنەری ئەمریکا بۆ ئاگربەس لە یەمەن، هەمان بۆچوونی سعودییەکان و نەتەوە یەکگرتووەکان لە یەک ساڵی رابردوویە.

لە پرۆژەی ئەمریکا نە باس لە کۆتایی هێنان بە گەمارۆکان کراوە و نە لە ئاگربەس؛ بەلکو بە شێوەی دیپلۆماسی دەبێتە هۆکاری بەردەوامی گەمارۆکان بۆ سەر یەمەن.

لە گرنگترین مەرجەکانی هاتوو لەم پرۆژەیەدا، رێگەپێدان بە فڕینی فڕۆکەکانی فڕۆکەخانەی سەنعا، پایتەختی یەمەن لەلایەن هاوپەیمانی سعودیە و رێگری کردن لە دەرکردنی پاسپۆرت لە سەنعایە.

ئەگەر ئەمریکییەکان بە ڕاستی نیازی ڕێگری کردن لە دەستێوەردانەکان[هاوپەیمانی سعودیە] و لابردنی گەمارۆکان بۆ سەر یەمەن ـبان، ئاگربەس و کۆتایی هێنان بە گەمارۆکانی یەمەنیان بە ڕاشکاوانە رایاندەگەیاند و ئێمەش پێشوازیمان لەم پڕۆژەیە دەکرد. 

ئەوەی لە رێگەی شەڕەوە بەدەستان نەهێنا، بە دانوستاندنیش بەدەستی ناهێنن! دوژمنایەتی و گەمارۆکان لە شەش ساڵی رابردوو تەنیا بۆ یەک رۆژیش رانەگیراوە، کەواتە مەبەستی ئەمریکییەکان لە ئاگربەس و کۆتایی هێنان بە گەمارۆکان چیە؟

ئەمریکییەکان بە هێنانەوەی مەرجەکانی سعودیە لە چوارچێوەی پێشنیاری ئاگربەس، دەریانخست کە بە شێوەی ئاشکرا لە پشت دەستێوەردان و گەمارۆکانی یەمەنن.

هیچ هەوڵێکی دروست بۆ کۆتایی هێنان بە شەڕ و لابردنی گەمارۆکان نابینرێت.

بازرگانەکانی یەمەن بە پارەی خۆیان نەوت لە کەشتییەکان دەکڕن و بە وەرگرتنی مۆڵەت لە نەتەوە یەکگرتووەکان دەیگوازنەوە بۆ یەمەن، بەڵام هاوپەیمانی سعودیە ڕێگری لێ دەکات. ئێمە بۆ گەیشتنی هاوکارییە مرۆییەکان بۆ خەڵکەوە، تەواوی مەرجەکانی لایەنی بەرامبەرمان قبوڵ کردەوە بەڵام کاتێک بینیان هیچ بیانویەک بۆ گەمارۆ نەیانماوە، پڕوپاگەندەیان کرد کە ئەم هاوکارییانە ناگاتە ئەو خەڵکانە کە پێویستیان پێیانە.»

پێشتر نوێنەری ئەمریکا لە یەمەن بە دانپێدانانی ڕۆڵی سەرەکی ئەنسارۆڵڵا لە یەمەن، لە پێشکەشکردنی پرۆژەی ئاگربەسی ئەمریکا بە ئەنسارۆڵڵا هەواڵی دا بوویەوە.

داعش بە فەرمی بەرپرسیارێتی کوژرانی خانەوادەکەی باشوری تکریتی گەرتە ئەستۆ

هەواڵە تایبەتەکان: تیرۆریستانی داعش بە بڵاوکردنەوەی وێنەیەک بەرپرسیارێتی کوژرانی ئەندامانی ئەو خێزانەی کە سەر لە بەیانی ئەمڕۆ هەینی هەواڵی کوژرانیان لە باشوری تکریت بڵاوبوویەوە، گرتە ئەستۆ.

جەمال ئیعگاب، بەرپرسی نووسینگەی راگەیاندنی پارێزگای سەڵاحەدین راگەیاند: "سەرلەبەیانی ئەمڕۆ هەینی ١٢-٣-٢٠٢١ چەند چەكدارێكی داعش كە جلی سەربازیان لەبەربووە لە ناوچەی ئەلبودۆر لە باشووری شاری تكریت، سەنتەری پارێزگای سەڵاحەدین هەڵیانكوتاوەتە سەر ماڵێك و بە چەكی بێدەنگ ٨ كەسیان كوشتوون و كە ٧ یان ئەندامی خێزانێكن دواتر بۆ ناوچەیەكی نادیار هەڵاتوون."

وەزیری ناوخۆی پێشووتری عێراق: پیلانێکی گەورەتر لە کەوتنی موسڵ بەڕێوەیە

وەزیری ناوخۆی پێشووتری عێراق سەبارەت بە پیلانگێڕییەکی گەورەتر لە کەوتنی موسڵ لە ساڵی ٢٠١٤ هۆشدارییدا و وتی کە ئەو پیلانگێڕییە نەجەف و کەربەلا و تەنانەت بەغدا دەکاتە ئامانج.

باقر جەبر زۆبەیدی ڕایگەیاند کە ئەم پیلانگێڕییە زۆر گەورەترە لە کەوتنی موسڵ، مەترسی ئەوەش هەیە کە نەجەف و کەربەلا و تەنانەت بەغداش لە خۆ دەگرێت.

ناوبراو بە کەناڵی دیجلەی ڕاگەیاند کە ئەوەی کە ئێستادا لە شەنگال و خاڵی سنوری وەلید دەگوزەرێت، زۆر مەترسیدارە و کارەساتێک هەڕەشە لە سوریا و عێراق دەکات.

زۆبەیدی وتی: پیلانێک بۆ کۆکردنەوەی داعش و زاڵبوونیان بە سەر چیای شەنگال لە لایەن تورکیاوە دەبینرێت، شەنگال لە ئێستادا پێگەیەکی ستراتیژی ناوچەکەیە و کۆکردنەوەی داعش لەم ناوچەیە بە واتای دووبارەکردنەوەی تاوانەکانی ساڵی ٢٠١٤ لە موسڵ، سەلاحەدین، کەرکوک و تەنانەت هەرێمی کوردستانە، ئەم پیلانگێڕییە تا پارێزگاکانی نەجەف، کەربەلا و بەغداش دەڕوات.

وەزیری ناوخۆی پێشووتری عێراق سەبارەت بە ڕێکەوتنی شەنگال لە نێوان حکومەتی بەغدا و هەولێریش وتی کە ئەو ڕێکەوتنە هیچ بایەخێکی نییە.

جام کوردی 

هێزەکانی ئەنسارۆڵڵا لە ناوچەیەک پاشەکشەیان کرد + نەخشەی ناوچەکە

هەواڵە تایبەتەکان: هێزەکانی ئەنسارۆڵڵا لە پێگەکانی خۆیان لە باشوری رۆژئاوای شاری "تعز" پاشەکشەیان کردەوە.

بە گوێرەی دوایین هەواڵەکان لە ناوچەکە، لە ئۆپەراسیۆنی هێزەکانی مەنسوور هادی و هێزەکانی بەرگری نیشتمانی (طارق صالح) بە پشتیوانی هاوپەیمانی سعودیە کە لە ٦ی ئەم مانگەوە لە چەند ناوچەیەک لە پارێزگای "تعز" بەڕێوەدەچێت، هێزەکانی مەنسوور هادی لە ڕۆژهەڵاتەوە و هێزەکانی طارق صالح هەروەها لە ڕۆژئاواوە هێرشیان کردە سەر پێگەکانی ئەنسارۆڵڵا و لە کۆتاییدا هێزەکانی ئەنسارۆڵڵا ناچار بە پاشەکشە لە ناوچەکانی "الکدحه" و "جبل غباری" و چەند گوندێک لەو ناوچەیە بوون.

سێ کاروانی گواستنەوەی کەلوپەلی سەربازی ئەمریکا لە عێراق کرانە ئامانج +ڤیدیۆ

هەواڵە تایبەتەکان: لە ماوەی چەند کاتژمێری رابردوو سێ کاروانی گواستنەوەی کەلوپەلی سەربازی ئەمریکا لە فەلوجە و سەماوە ـی پارێزگای ئەنبار و حلە ـی عێراق کرانە ئامانج.

گروپێک بە ناوی "المقاومة الدولیة" بە بڵاو کردنی ڤیدیۆیەک (هاوپێچ) بەرپرسیارێتی هێرشەکەی فەلوجەی گرتە ئەستۆ.

شارۆچکەی "المار" لە باکوری ئەفغانستان کەوتە دەست تالیبان

هەواڵە تایبەتەکان: شارۆچکەی "المار" لە پارێزگای فاریاب لە باکوری ئەفغانستان ئەمڕۆ لەلایەن تالیبانەوە کۆنترۆل کرا.

لە ئێستادا سوپای ئەو وڵاتە ئۆپەراسیۆنێک بۆ کۆنترۆل کردنەوەی ئەو شارۆچکەیە دەستی پێ کردووە.

وەک دەوترێت "المار" لە ماوەی بیست ڕۆژی ڕابردووەوە لەلایەن تالیبان گەمارۆ درا بوو و لەگەڵ بەردەوامی هێرشەکانیان بۆ سەر ئەو شارۆچکەیە، بەیانی ئەمڕۆ پێنجشەممە فەرماندەی هێزە ئەمنییەکانی "المار" خۆی و ئەو شارۆچکەیە رادەستی تالیبان کردووە.

لەگەڵ کۆنترۆل کردنی "المار" لەلایەن تالیبانەوە، شاری میمنە ناوەندی پارێزگای فاریاب هەروەها لە لای ڕۆژئاوا دەکەوێتە ژێر هێرشەکانی تالیبان و لە ئەگەری کەمتر خەمی هێزە ئەمنییەکان، ئەگەری کۆنترۆل کردنی ئەو شارە هەروەها لەلایەن تالیبانەوە لە مانگەکانی داهاتوودا زۆرە.

بەردەوامی ناڕەزایەتییەکان لە لوبنان؛ داخستنی رێگاکان وەک ناڕەزایەتیەک بە باردۆخی خراپی سیاسی و ئابووری

هەواڵە تایبەتەکان: خەڵکی ناڕازی لوبنان وەک ناڕەزایەتیەک بە بەرزبوونەوەی نرخی دۆلار لەو وڵاتە و باردۆخی سیاسی و ئابووری و هەروەها پێک نەهێنانی کابینەی نوێی، ڕێگاکانیان داخست..

بەرپرسانی لوبنان هۆشداریان لە دروست بوونی نائارامی داوە و هەندێکیان لەو باوەڕەدان کە ئەم ناڕەزایەتیانە لەلایەن گروپێکی سیاسیەوە بۆ دروست بوونی ئاژاوە و وەرگرتنەوەی ئیمتیاز لە رکابەران بەڕێوە دەبڕدرێت.

ڕۆژی دووشەممە میشل عون سەرۆک کۆماری لوبنان لە دیداری لەگەڵ بەرپرسانی باڵای سوپا و هێزە ئەمنییەکان، داوایان لێ کردەوە بە لابردنی بەربەستەکان، ئەم ناڕەزایەتیانە کۆنترۆل بکەنەوە.

رۆژی چوارشەممە و دوای هەشت ڕۆژ لە دەستپێکردنی ناڕەزایەتیەکان سوپای ئەو وڵاتە ئۆپەراسیۆنی پاکسازی رێگاو بانەکانی دەست پێ کردەوە.

ئاماری هێرشەکانی ئەلقاعیدە لە مانگی ٢ی ٢٠٢١

هەواڵە تایبەتەکان: گروپی تیرۆرستی ئەلقاعیدە ئاماری هێرشەکانی لە مانگی ٢ی ئەم ساڵ لە وڵاتە جیاجیاکانی بڵاو کردەوە.

بە پێی ئەم ئامارە کە لە وڵاتانی ئەفغانستان و ناوچەکانی ڕۆژهەڵات و ڕۆژئاوای کیشوەری ئەفریقا و هیندستان و سوريا و جەزیرەی عەرەبستان ئەنجام دراوە، ئاماژە بە نزیکەی ٤٣٠ ئۆپەراسیۆنی ئەو گروپە دراوە کە بووەتە هۆی گیانلەدەستدانی ١٣٠٣ کەس و برینداربوونی ٧٦٥ کەسی دیکەوە.

ئەم ئامارە دەریدەخات کە زۆربەی جموجۆڵەکانی ئەم گروپە تیرۆریستیە لە ئەفغانستان به ٢١٩ ئۆپەراسیۆن بووە کە ٩٣٢ کەس بەو هۆیەوە گیانیان لەدەستداوە و ٥٣٩ کەسی دیکە بریندار بوون.

ڤیدیۆ| خستنە خوارەوەی فڕۆکەیەکی بێ فڕۆکەوانی هاوپەیمانی سعودیە لەلایەن ئەنسارۆڵڵا

هەواڵە تایبەتەکان: هێزەکانی ئەنسارۆڵڵا فڕۆکەیەکی بێ فڕۆکەوانی هاوپەیمانی سعودیە لە ناوچەی "المرازیق" لە پارێزگای "الجوف"ـی یەمەن خستنە خوارەوە.

بە ووتەی یەحیا سەریع ووتەبێژی هێزە چەکدارەکانی یەمەن سەر بە ئەنسارۆڵڵا، فڕۆکەکە لە جۆری "کارایل"ـە کە دروست کراوی وڵاتی تورکیایە.

ئەنسارۆڵڵا پێشتر دوو فڕۆکەیەکی دیکە لەم جۆرە لە ناوچەکانی "الصلیف" لە پارێزگای" الحدیده" و "المهاشمه" لە پارێزگای "الجوف"ـی یەمەن خستبوویە خوارەوە کە ئەمە سێیەم فڕۆکەیە.

ئاشکرابوونی زانیارییەکانی ٦٠٠ کەس لە کارمەندانی دەزگای هەواڵگری سعودیە

هەواڵە تایبەتەکان: لیستێک لە ناوەکانی کارمەندانی دەزگای هەواڵگری سعودیە ئاشکرا دەبێت کە سەرەڕای ناوی ئەو کەسانە، زانیارییە هەستیاریەکانی دیکەیان وەک ناونیشان، ژمارەی تەلەفۆن، ژمارەی ناسنامە و...ـی تێدایە.

ئەم زانیاریە نهێنیانە، کەسایەتی و ناوی کارمەندانی ئەم دەزگایە لەگەڵ ژمارەی تەلەفۆنەکان و ژمارەی ناسنامە و ناونیشانی شوێنی نیشتەجێبوون و هەروەها ئەو شوێنەی کە ئەوان لەوێ خوێندوویانە، تێیدایەتی.

بە ئاشکرا بوونی ئەم زانیارییە نهێنیانە، گورزێکی گەورە بەر دەزگای هەواڵگری سعودیە دەکەوێت و کاریگەرییەکی زۆر گەورە لەسەر وورەی هێزەکانی ئەو دەزگایە هەواڵگریەی سعودیە دروست دەکات کە تا پێش ئێستا لە ئەمنیەتی خۆیان پشتڕاست بوون.

هەروەها ئاشکرا بوونی ئەم بەڵگانە لە بارودۆخی هەستیاری ئێستای شەڕی یەمەن و ئەو شکستە سیاسی و سەربازییانەی کە هاوپەیمانی سعودیە لە یەمەن تووشی بووە، شکۆی سعودیە زیاتر لە جاران لە ناوچەکە و جیهان تووشی داڕمان دەکات.

بۆ بینینی لیستی زانیارییەکان کلیک لەسەر ئەم نووسینە بکە.

وێنە ئاسمانییەکانی شوێنی بۆردومانەکەی رووسیا لە باکوری سوریا

هەواڵە تایبەتەکان: بە هۆی هێرشی مووشەکی رووسیا بۆ سەر دامەزراوە نەوتییەکانی باکوری سوریا، ژماریەکی زۆر لە تانکەرەکانی گواستنەوەی نەوت و سووتەمەنی سووتان.

وێنە ئاسمانییەکان دەریدەخات کە هێرشە مووشەکییەکەی رووسیا لە هەینی رابردوو بە بەکارهێنانی مووشەکی توچکا بۆ سەر پاڵاوگە کاتی و کۆگا نەوتییەکان، بووەتە هۆی سووتانی ناوچەیەکی زۆر و لە ناو چوونی تانکەرەکانی هەڵگری ماددە سووتەمەنییەکان لە ناوچەکانی ژێر کۆنترۆڵی چەکدارانی سەر بە تورکیا لە باکوری سوریا. 

سەرچاوەیەکی نزیک لە چەکداران لە راپۆرتێکدا راگەیاند، کەشتیە جەنگییەکانی رووسیا لە دەریای سپی ناوەڕاست، سێ مووشەکیان ئاراستەی پاڵاوگە نەوتییەکان و کۆگاکانی سووتەمەنی کردووە کە ١٨٠ بارهەڵگر و تانکەر لە ناو چوون و بە لایەنی کەمەوە ٤ کەس کوژراون و ٢٤ کەسی دیکەش برینداربوون.

هەواڵدەری ئانادۆڵوی تورکیا لەم بارەیەوە رایانگەیاندووە، لەم هێرشەدا مووشەکی بالستیک بەکارهاتووە بەڵام دیار نیە چ لایەنێک لە پشت ئەم هێرشە دایە.

ووردەکاری هێرشەکەی ئەنسارۆڵڵا بۆ سەر سعودیە بڵاو کرایەوە + ڤیدیۆ

هەواڵە تایبەتەکان: یەحیا سەریع ووتەبێژی هێزە چەکدارەکانی یەمەن سەر بە ئەنسارۆڵڵا، ووردەکاری هێرشەکەی ئەمشەوی هێزەکانی ئەنسارۆڵڵا بۆ سەر چەندین ئامانج لە ناو خاکی سعودیە بڵاو کردەوە.

بە ووتەی یەحیا سەریع لەم هێرشەدا ١٤ فڕۆکەی بێ فڕۆکەوان و ٨ مووشەک بەکارهاتووە کە ١٠ فڕۆکە لە جۆری "صماد٣" و مووشەکێک لە جۆری "ذوالفقار" کۆمپانیای نەوتی ئارامکۆ لە بەندەری نەوتی "راس تنوره" لە ڕۆژهەڵاتی وڵاتی سعودیە ـیان کردوەتەوە ئامانج.

لەم هێرشەدا هەروەها چەندین ناوچە لە پارێزگای عیسر و جیزان بە ٤ فڕۆکەی بێ فڕۆکەوان لە جۆری "قاصف2k" و ٧ مووشەکی بەدر کراوەتە ئامانج

هێرشی ئەنسارۆڵڵا بۆ سەر دامەزراوە نەوتییەکان لە سعودیە

هەندێک لە سەرچاوەکان لە بیستنی دەنگی چەندین تەقینەوە لە شاری "ظهران" لە ڕۆژهەڵاتی وڵاتی سعودیە هەواڵ دەدەن.

ئەم سەرچاوانە باس لە هێرشی مووشەکی ئەنسارۆڵڵا بۆ سەر دامەزراوە نەوتییەکانی کۆمپانیای ئارامکۆ لە ناو خاکی سعودیە دەکەن.

ئەمە لەکاتێکدایە سەرچاوەکانی نزیک لە هاوپەیمانی سعودیە هەروەها باس لە خستنە خوارەوەی دوو مووشەکی ئەنسارۆڵڵا لە ئاسمانی جیزان لە ناو خاکی سعودیە دەکەن.

گرنگیدان بە هەڵبژاردنی ئیسرائیل لەلایەن سعودیەوە؛ دەسخۆشی لە هەنگاوەکانی نەتانیاهۆ دەکات

هەواڵە تایبەتەکان: بەرپرسێکی سعودیە لە چاوپێکەوتنی لەگەڵ کەناڵێکی ئیسرائیلی لە بەدواداچوونی هەڵبژاردنەکانی رژێمی ئیسرائیل و گرنگیدانی سعودیە بە نەتانیاهۆ هەواڵی دایەوە.

ڕۆژنامەی هیوم ـی تایبەت بە ئیسرائیل نووسی: بەرپرسێکی نزیک لە بنەماڵەی پاشایەتی سعودیە لە چاوپێکەوتنێکی تایبەت لەگەڵ کەناڵی ئای٢٤نیوز (i24news)ی ئیسرائیلی ڕایگەیاندووە کە ئەو وڵاتە لە نزیکەوە بەدواداچوون بۆ هەڵبژاردنەکانی ئیسرائیل دەکات و هیوادارن لە پەیکەری حکومەت هیچ گۆڕانکارییەک ڕوونەدات.

ئەم بەرپرسە کە نەیویستوە ناوی بهێنرێتەوە دوپاتی کردۆتەوە، سعودیە دەستخۆشی لە سەرۆک وەزیران، نەتانیاهۆ دەکات و پشتیوانی سیاسەتی پەیوەندیی لەگەڵ وڵاتانی کەنداو و هەروەها سیاسەتی فشار لەسەر ئێران دەکات.

ناوبراو وتوویەتی: ئێمە وێڕای دەستخۆشی لە نەتانیاهۆ، ئەومان خۆشدەوێت.

شایانی باسە سعودیە ترسی ئەوەی هەیە لە ئەگەری سەرکەوتنی یائیر لاپید لە هەڵبژاردنەکانی ئیسرائیل کە یەکێکە لە رکابەر و نەیارانی نەتانیاهۆ، گۆڕانکاری لە سیاسەتی دەرەوەی ئیسرائیل بکرێت کە گونجاو نەبێت لەگەڵ بەرژەوەندییەکانی سعودیە.

هێرشی ئەنسارۆڵڵا بۆ سەر پێگەکانی هاوپەیمانی سعودیە لە جەددە

هەواڵە تایبەتەکان: بە گوێرەی هەواڵەکانی نزیک لە هاوپەیمانی سعودیە، ٥ فڕۆکەی بێ فڕۆکەوان تایبەت بە ئەنساروڵڵا لە ئاسمانی باشوری سعودیە لەلایەن ئەو هاوپەیمانیەوە خراوەتە خوارەوە.

ئەمە لەکاتێکدایە کێشە بۆ فڕینی فڕۆکەکان لە ئاسمانی جەددە دروست بووە.

تەقینەوەیەکی تیرۆریستی لە پایتەختی سومالی

هەواڵە تایبەتەکان: بە هۆی تەقینەوەی ئۆتۆمبێلێکی بۆمبڕێژکراو لە شاری موگادیشو، بە لایەنی کەمەوە ٢٠ کەس گیانیان لەدەستدا و زیاتر لە ٣٠ کەسی دیکە بریندار بوون.

گروپی تیرۆرستی "الشباب" بەرپرسیارێتی ئەم تەقینەوەی گرتە ئەستۆ.

ئەمە دووەم هێرشی لەم شێوەی ئەم گروپەیە کە لە ساڵی ٢٠٢٠ەوە لە شاری موگادیشو ئەنجام دەدرێت

گروپی "الشباب" هەروەها لە بەیاننامەیەکدا باس لە هێرشێکی دیکەی ئەو گروپە و ئازاد کردنی ٤٠٠ زیندانی سەر بەو گروپە لە زیندانی بوساسو لە باکوری ئەو وڵاتە هەواڵی دایەوە. ئەمە لە کاتێکدایە پۆلیسی سومالی هەواڵی هەڵهاتنی ئەو ٤٠٠ کەسە ڕەتکردووەتەوە و لە گیان لەدەستدانی ٧ پۆلیس لەو هێرشە هەواڵی داوەتەوە.

ڕووخاندنی ٣٥ خانووی فەلەستینیەکان لە ماوەی دوو هەفتە

هەواڵە تایبەتەکان: نووسینگەی هەماهەنگی کاروباری مرۆڤایەتی ڕێکخراوی نەتەوەیەکگرتووەکان لە فەلەستین لە راپۆرتێکدا راگەیاند کە سەربازانی رژێمی زایۆنیستی لە دوو هەفتەی رابردوو ٣٥ خانوو تایبەت بە فەلەستینیەکانیان لە کەنارەکانی ڕۆژئاوای ڕووباری ئوردن لە فەلەستین و قودس ڕووخاندووە.

لەم ڕاپۆرتەدا ئاماژە بەوە کراوە بە هۆی ڕووخاندنی ئەم خانووانە، ٩٨ کەس لە نێوانیاندا ٥٣ منداڵ ئاوارە بوون و زیان بە ٦٠ کەسی دیکە گەیشتووە.

ڕووداوەکانی فەلەستین؛ ٥ی ئایاری ٢٠٢١

- موحەمەد مەحمود ئال خاجە وەک یەکەمین باڵیۆزی ئیمارات لە ئیسرائیل دەست بە کار بوو.

- کەسێکی ئیسرائیلی بە تۆمەتی هاوکاری لەگەڵ حەماس لەلایەن دەزگای هەواڵگری رژێمی ئیسرائیل دەسبەسەر کرا.

- خەڵکانی ناڕازی بۆ سی و شەشەمین هەفتە لە بەرامبەر ماڵی نەتانیاهۆ سەرۆک وەزیرانی رژێمی ئیسرائیل گردبوونەوە و خۆپیشاندانیان ئەنجام دا.

- هەندێک لە بەرپرسانی رژێمی ئیسرائیل لە گفتوگۆیان لەگەڵ میدیاکانی ئەو رژێمە لەو باوەڕەدان کە هێرشی ئەمریکا بۆ سەر حەشدی شەعبی لە سنورەکانی عێراق و سوریا، نیشانەیەکی ئەرێنی لە کاردانەوەکانی داهاتووی حکومەتی بایدن بۆ ڕێگری کردن لە هەنگاوەکانی ئێران لە ناوچەکەیە.

پێشتر یەکێک لە سەرچاوەکانی ئەو رژێمە راگەیاند بوو کە ئەمریکا پێش هێرشەکە، ئیسرائیلی ئاگادار کردبوویەوە.

- نەتانیاهۆ سەرۆک وەزیرانی رژێمی ئیسرائیل، بەرپرسیارێتی هێرشی چەند ڕۆژی رابردوو بۆ سەر کەشتی ئەو رژێمەی لە دەریای عومان خستە ئەستۆی ئێران.

- کەناڵی ٧ی رژێمی ئیسرائیل لە هاتنی زیاتر لە ١٠٠ پەنابەری یەهودی لە وڵاتانی ئوکرانیا و ئیتیۆپیا بۆ فەلەستین هەواڵی دایەوە.

هێرشی مووشەکی رووسیا بۆ سەر پاڵاوگەیەک لە سوریا + ڤیدیۆ

هەواڵە تایبەتەکان: هێزەکانی ڕووسیا بە چەندین مووشەکەوە پاڵاوگەیەکی نایاسایی چەکدارانی سەر تورکیا ـیان لە ناوچەی ترحین ـی جەرابلوس لە باکوری سوریا کردە ئامانج.

دوایین ڕووداوەکانی سوریا؛ ٥ی ئایاری ٢٠٢١

- بۆردومانی دەوروبەری عەین عیسا لەلایەن چەکدارانی سەر بە تورکیا لە شەوی رابردوو. 

- هەندێک کەسی نەناسراو هێرشیان کردە سەر ئۆتۆمبێلێکی سوپای سوریا لە نزیک شارۆچکەی "السبخە" لە باشوری ڕۆژهەڵاتی شاری رەققە.

- سەرچاوەکانی ناوچەکە لە دەوریەی کاروانێکی ئەمریکی لە ناوچەی مالکیە لە پارێزگای حەسەکە هەواڵیان دایەوە.

- بە پێی زانیارییەکانی ناوەندی ئاشتی روسیا لە سوریا، چەکداران ٢٦ جاری تر ئاگربەسیان لە ناوچەی ئیدلب پێشێل کردەوە.

- شەوی رابردوو چەکدارانی سەر بە تورکیا گوندی شراوا لە دەوروبەری عەفرین ـیان بۆردومان کردەوە.

-بۆردومانی پێگەکانی چەکداران لە چیای "الزاویە"ی ئیدلب لەلایەن سوپای سوریا.

- یەکێک لە فەرماندەکانی هەواڵگری هێزەکانی سوریای دیموکرات (SDF) لەلایەن چەند کەسێکی نەناسراوەوە لە حەسەکە تیرۆر کرا.

- سوپای سوریا پێگەکانی چەکداران لە شاری سرمین لە ڕۆژهەڵاتی ئیدلب بۆردومان کردەوە.

- یەکێک لە چەکدارانی پێشوو لە شاری جاسم لەلایەن هەندێک کەسی نەناسراوەوە تیرۆر کرا.

- بە هۆی کردنە ئامانجی ئۆتۆمبێلێکی هێزەکانی سوریای دیموکرات لە نزیک دێرەزوور، چوار کەس لەو  هێزانە بریندار بوون.

هێرشی مووشەکی ئەنسارۆڵڵا بۆ چەندین ناوچە لە قولایی خاکی سعودیە

هەواڵە تایبەتەکان: هێزەکانی ئەنسارۆڵڵا لە چەند کاتژمێری رابردووەوە چەندین ناوچەیان لە قولایی خاکی سعودیە بە مووشەک و فڕۆکەی بێ فڕۆکەوان کردوەتەوە ئامانج.

یەحیا سەریع ووتەبێژی هێزە چەکدارەکانی یەمەن سەر بە ئەنسارۆڵڵا لە تویتێکدا لە هێرشی فڕۆکە بێ فڕۆکەوانی هێزەکانی ئەنسارۆڵڵا بۆ سەر ئامانجێکی گرنگ لە فڕۆکەخانەی مەلک خالد لە "خمیس مشیط" لە ناو خاکی سعودیە هەواڵی دایەوە.

ئەمە لەکاتێکدایە ئەو هێزانە هەروەها بە مووشەکێکی جۆری قودس٢ دامەزراوەی نەوتی ئارامکۆ لە جەددەی سعودییان کردوەتەوە ئامانج.

سەرچاوەکانی هەواڵ هەروەها لە ئاراستە کردنی مووشەکێکی دیکە بەرەو پێگەکانی هاوپەیمانی سعودیە لە جیزان لە ناو خاکی سعودیە لەلایەن ئەنسارۆڵڵا هەواڵ دەدەن.

شایانی باسە ئەمە بۆ چەندین ڕۆژە هێرشی هاوشێوە لەلایەن ئەنسارۆڵڵاوە بۆ سەر دامەزراوە ئابووری و پێگە سەربازییەکانی هاوپەیمانی سعودیە دەکرێت.

یەحیا سەریع پێشتر ئەم هێرشانەی وەک وەڵامدانەوەیەک بە بەردەوامی گەمارۆ و دەستێوەردانی سعودیە بۆ سەر یەمەن و خەڵکی ئەو وڵاتە ناوی برد بوو و داوا لە خەڵک و کۆمپانیا بیانییەکانی کرد بوو لە دامەزراوە گرنگەکانی سعودیە خۆیان بە دوور بگرن.

هێرش کرایە سەر کاروانێکی دیکەی لۆجستیکی هێزەکانی ئەمریکا لە عێراق

هەواڵە تایبەتەکان: کاروانێکی گواستنەوەی کەلوپەلی سەربازی ئەمریکا لە دیوانیەی عێراق کرایە ئامانج.

تا ئێستا هیچ گروپێک بەرپرسیارێتی ئەم هێرشەی نەگرتووە ئەستۆ.

ئەمە لەکاتێکدایە چەند کاتژمێرێک پێش ئێستا هەروەها کاروانێکی دیکەی گواستنەوەی کەلوپەلی سەربازی ئەمریکا لەلایەن گروپی "قاصم الجبارين" لە بابلی عێراق کرا بوویە ئامانج.  

هێرش کرایە سەر کاروانێکی لۆجستیکی هێزەکانی ئەمریکا لە عێراق

هەواڵە تایبەتەکان: کاروانێکی گواستنەوەی کەلوپەلی سەربازی ئەمریکا لە سەماوەی عێراق کرایە ئامانج.

گروپی "قاصم الجبارين" کە گروپێکی بەرخۆدانی عێراقیە بەرپرسیارێتی ئەم هێرشەی گرتە ئەستۆ.

ئەمە لەکاتێکدایە ڕۆژی رابردوو هەروەها لەلایەن ئەم گروپەوە کاروانێکی هاوشێوە لە پارێزگای بابلی عێراق کرا بوویە ئامانج.

چەندین مووشەکی دروست کراوی ئێران ئاراستەی بنکەی ئەمریکا کرا

هەواڵە تایبەتەکان: ژمارەیەک مووشەک ئاراستەی بنکەی سەربازی عەین ئەسەد لە پارێزگای ئەنبار کران.

 بە گوێرەی هەواڵەکانی سەرچاوەکانی ناوچەکە ١٠ بۆ ١٢ مووشەک لە ناوچەی بەیادر، کە دەکەوێتە نێوان قەزای هیت و ناحیەی بەغدادی لەسەر ئۆتۆمبێڵێکی بارهەڵگرەوە ئاراستەی هێزەکانی ئەمریکا لە بنکەی سەربازی عەین ئەسەد کران.

 سەرچاوەکان باس لەوە دەکەن ئەو مووشەکانە لە جۆری "آرش" کە دروست کراوی ئێرانە، بووە. 

ڤیدیۆی ئاسمانی لە هێرشەکەی ئێران بۆ سەر بنکەی ئەمریکا بۆ یەکەم جار بڵاو کرایەوە

هەواڵە تایبەتەکان: ئەمریکا ڤیدیۆیەک لە هێرشی مووشەکییەکەی ئێران بۆ سەر بنکەی سەربازی عەین عیسا لە عێراق کە لە ساڵی رابردوو ئەنجام درا بوو، بڵاو کردەوە.

شایانی باسە ئەم پارچە ڤیدیۆیە لە بەرنامەیەکی کەناڵی CBSی ئەمریکی بە ناوی "٦٠ خولەک" وەرگیراوە.

بەیاننامەی حەشدی شەعبی سەبارەت هێرشە ئاسمانییەکەی ئەم دواییەی ئەمریکا

هەواڵە تایبەتەکان: بە گواستنەوە لە بەشی راگەیاندنی حەشدی شەعبی، لێژنەی ئەم دامەزراوە لە بەیاننامەیەکدا سەبارەت بە هێرشە ئاسمانییەکەی ئەم دواییەی ئەمریکا رایگەیاند کە لەم هێرشەدا یەکێک لە هێزەکانیان کوژراوە.

ئەم لێژنەیە هەروەها راگەیاند، لەبەر گرنگی ئەم بابەتە و کاردانەوەی لەسەر دەسەڵات و ئەمنیەت و سەقامگیریی وڵاتەوە، چاوەڕێمان کرد تا ڕاستییەکانی ئەم رووداوە ئاشکرا ببێتەوە. بەم پێیە دیار بوو کە بە پێچەوانەی پڕۆپاگەندەی ئەمریکییەکان، هێزەکانی ئێمە لە ناو خاکی سوریا دا نەبوون، بەڵکو خەریکی جێ بەجێ کردنی ئەرکیان لە سەر شریتی سنووری نێوان هەر دوو وڵات بۆ بەرگری لە عێراق لە بەرامبەر هێرشەکانی تیرۆرستان بوون.

ئەم لێژنەیە هەروەها زیادی کردووە، هێزەکانی ئێمە لە سەنگەری پێشەوەی بەرگری لە وڵات بوون و دەستدرێژی ئەمریکییەکان کاردانەوەی خراپی لە داهاتوودا دەبێت، کەواتە دەبێت رێگری لە دروست بوونی ڕووداوەکانی بەم شێوەیە بکرێت.

ئەم دامەزراوەیە هەروەها داوا لە دەزگاکانی پەیوەندیدار کردووە، ئەرکی خۆیان لە بەرامبەر هێزەکانی حەشدی شەعبی بە باشی ئەنجام بدەن.

تاوانێکی دیکەی سعودیە لە یەمەن

هەواڵە تایبەتەکان: بە هۆی هێرشی فڕۆکە جەنگییەکانی هاوپەیمانی سعودیە بۆ سەر گەڕەکی "الربصه"ی شاری "الحدیده"ی یەمەن، ٥ کەسی سڤیل کە لە نێوانیان منداڵێک و ئافرەتێک دەبینرێت گیانیان لەدەست دا و ٣ کەسی دیکەش بریندار بوون.

هێرشی مووشەکی کرایە سەر پایتەختی سعودیە + ڤیدیۆ

هەواڵە تایبەتەکان: سەرچاوەکانی سعودیە رایانگەیاند ئەنسارۆڵڵا چەندین مووشەکی بالستیکی ئاراستەی ریاز پایتەختی سعودیە کردووە کە پێش گەیشتن بە ئامانجەکانی تێکشکاون.

بە پێی ئەو زانیارییانەی کە لەلایەن خەڵکی سعودیە لە سۆشیال میدیا بڵاو کراوەتەوە، دەنگی چەندین تەقینەوە لە ئاسمانی ریاز بیستراوە.

ڤیدیۆ | خۆپیشاندانی فراوانی خەڵکی یەمەن وەک ناڕەزایەتیەک بە گەمارۆکانی سەر ئەو وڵاتە لەلایەن هاوپەیمانی سعودیەوە + وێنە

هەواڵە تایبەتەکان: خەڵکی یەمەن خۆپیشاندانێکی گەورەیان لە شارەکانی ئەو وڵاتە وەک ناڕەزایەتیەک بە گەمارۆکانی هاوپەیمانی سعودیە بۆ سەر یەمەن ـیان ئەنجام دان.

زیادبوونی هێرشەکانی داعش و بۆکۆحەرام لە باکوری نیجیریا

هەواڵە تایبەتەکان: هێرشەکانی گروپە تیرۆریستییەکانی داعش و بۆکۆحەرام بۆ سەر شارەکانی باکوری نیجیریا لە ماوەی ڕۆژانی ڕابردوو ڕووی لە زیادبوون کردووە.

بە ووتەی "زولومون" فەرمانداری ئەیالەتی برنۆ بە هۆی هاوێشتنی چەندین رۆکێت لەلایەن تیرۆریستانی بۆکۆحەرام ـەوە بۆ سەر شاری "مایدوگوری"، ١٠ کەسی سڤیل کوژران. دوای ئەم هێرشە هێزەکانی سوپا بە دۆزینەوەی شوێنی ئەو تیرۆریستانە بۆ چەندین کاتژمێر شەڕ و پێکدادان لە نێوانیاندا دروست بوو کە لە ئەنجام دا ژمارەیەکی زۆر لەو تیرۆریستانە کوژران.

لەلایەکی دیکەوە شاری مارتە لە ڕۆژهەڵاتی مایدوگوری و ناوچەکانی دەوروبەری کە لە ڕۆژانی ڕابردوو لەلایەن تیرۆریستانی بۆکۆحەرام داگیر کرا بوو، لەلایەن سوپای نیجیریا کۆنترۆل کرایەوە.

لە هێرشێکی دیکە لە ئەیالەتی کادونا هەروەها کە لەلایەن چەند چەکدارێکی نەناسراوەوە ئەنجام درا، بە لایەنی کەمەوە ١٩ کەس گیانیان لەدەستدا و دەیان خانوو سوتێنران.

هێرشی مووشەکی ئەنسارۆڵڵا بۆ سەر پێگەکانی هاوپەیمانی سعودیە لە مأرب

هەواڵە تایبەتەکان: هێزەکانی ئەنسارۆڵڵا ڕۆژی رابردوو لە چواچێوەی ئۆپەراسیۆنەکەیان دژ بە هاوپەیمانی سعودیە لە "مأرب"ی یەمەن، پێگەکانی ئەو هاوپەیمانیەیان لە ناوچەی سێیەمی سەربازی لە نزیک شاری مأرب بە مووشەک کردە ئامانج.

ئەمە لەکاتێکدایە سەرچاوەکانی نزیک لەم هاوپەیمانییە باس لە تێکشکاندنی دوو فڕۆکەی بێ فڕۆکەوانی تایبەت بە ئەنسارۆڵڵا لە ئاسمانی "خمیس" و فڕۆکەی "أبها" لە ناو خاکی سعودیە دەکەن.

تاقیکردنەوەی مووشەکی حەماس لە غەزە

هەواڵە تایبەتەکان: بزووتنەوەی حەماس لە چوارچێوەی پەرەپێدان بە توانا مووشەکییەکەی، ڕۆژی رابردوو بە هاوێشتنی ٤ مووشەک لە کەرتی غەززە بەرەو دەریا، تاقیکردنەوەیەکی مووشەکی ئەنجام دا.

بە پێی ئەو زانیارییانەی کە لەلایەن سەرچاوەیەک لە ناوچەکە دەستمان کەوتووە، دوای ئەم تاقیکردنەوەیە فڕۆکە سیخۆرییەکانی رژێمی ئیسرائیل لە جۆری بێ فڕۆکەوان لە ئاسمانی ناوچەکە دەستیان بە فڕین کردووە.

دەسبەسەرکردنی ٤٥٠ فەلەستینی لە ماوەی مانگی رابردوو

ناوەندی دیموکراتی و مافی مرۆڤ "الانسان" لە راپۆرتێکدا راگەیاند کە رژێمی زایۆنیستی لە مانگی رابردوو (کانوونی دووەم) ٤٥٠ فەلەستینی لە قودس و کەنارەکانی ڕۆژئاوای ڕووباری ئوردن لە فەلەستین دەستبەسەر کردووە.

لەم ڕاپۆرتەدا هاتووە لە نێوان دەسبەسەر کراوان ٢٠ منداڵ و ٣ ئافرەت دەبینرێت.

ئەمە لەکاتێکدایە کە لە مانگی رابردوو هەروەها ٢٢ خانوو و ٣٦ دامەزراوە تایبەت بە فەلەستینیەکان لەلایەن ئەو رژێمەوە رووخێنراون و هەروەها فەرمانی دەسبەسەر کردنی کاتی بۆ ٩٢ کەسی فەلەستینی دەرکراوە.

تەقینەوە لە سەرێ کانی کوژراو و برینداری لێکەوتەوە

هەواڵە تایبەتەکان: بە هۆی تەقینەوەی ئۆتۆمبێلێکی بۆمبڕێژکراو لە شاری سەرێ کانی، ژمارەیەک کەسی سڤیل گیانیان لەدەست دا.

لە تەقینەوەی ئۆتۆمبێلێکی بۆمبڕێژکراو لە شاری سەرێ کانی لە باکوری پارێزگای حەسەکە، ٤ کەسی سڤیل کە لە نێوانیان ٢ منداڵ دەبینرێت، گیانیان لە دەست دا.

شاری سەرێ کانی لە پایزی ٢٠١٩ لەلایەن چەکدارانی سەر بە تورکیا داگیر کرا. ئەمە لەکاتێکدایە نائارامی و تیرۆر لە ناوچەکانی ژێر کۆنترۆڵی چەکدارەکانی سەر بە تورکیا ڕووی لە زیادبوون دایە.

بڵاو کردنەوەی وێنەی یەکێک لە هێزەکانی "سرايا القدس" ساتی چاندنی بۆمب

هەواڵە تایبەتەکان: باڵی سەربازی جیهادی ئیسلامی فەڵەستین بۆ یەکەم جار وێنەی "الناعم" کە لە سنورەکانی ڕۆژهەڵاتی خان یونس خەریکی چاندنی بۆمبە بڵاو کردەوە.

"محمد علی الناعم" لە هێزەکانی "سرايا القدس" بوو کە لە (٢٣-٢-٢٠٢٠) بە گوللەی هێزەکانی رژێمی ئیسرائیل لە خان یونس کوژرا.

دوای کوژرانی "الناعم"، ووتەبێژی جیهادی ئیسلامی هەڕەشەی تۆڵەسەندنەوەی لە رژێمی ئیسرائیل کردەوە. هێزەکانی بەرخۆدانی فەلەستینی ٢٠ رۆکێتیان وەک وەڵامدانەوە بەرەو ناوچەکانی ژێر کۆنترۆڵی رژێمی ئیسرائیل هاوێشت.

تیرۆریستێکی خۆکوژ لە تاران دەستبەسەر کرا

کەسێکی خۆکوژ کە ویستی کردەوەی تیرۆریستیی لە تاران هەبووە، لە نزیک ئەم شارە دەستبەسەر کرا.

لیوا حوسێن ڕەحیمی فەرماندەی پۆلیسی تاران ڕایگەیاند کە ئەو تیرۆریستیە پشتێنەی بۆمبڕێژکراوی هەبووە.

ناوبراو وتی کە ئەو تیرۆریستە کاتێک کەوتە بۆسەی هێزە ئەمنییەکانەوە ویستی خۆتەقاندنەوەی هەبوو بەڵام بە ووشیاری هێزەکانی پۆلیسی تاران دەستبەسەر کرا.

جام کوردی 

هێرشی داعش بۆ سەر سوپای نیجیریا دەیان کوژراو و برینداری لێکەوتەوە

هەواڵە تایبەتەکان: لە هێرشی قورسی داعش بۆ سەر سوپای نیجیریا لە ناوچەکانی باکوری ڕۆژهەڵاتی ئەو وڵاتە، ژمارەیەکی زۆر لە هێزەکانی نیجیریا کوژران و برینداربوون.

لەم هێرشانەدا کە لەلایەن باڵی گروپی تیرۆریستی داعش لە ڕۆژئاوای ئەفریقا لە ئەیالەتی برنو ئەنجام دراوە، ١٠ کەس لە هێزەکانی سوپای نیجیریا کوژران و ٢٠ی دیکەش برینداربوون و هەروەها ٣ ئۆتۆمبێلی سەربازی تێکشکاون. داعش یەکەم جار بە هێرشی ئینتحاری و دواجار بە هێرشی راستەوخۆ ئۆپەراسیۆنەکەی ئەنجام داوە.

هەروەها لە هێرشێکی دیکە کە لە شاری دیکوا ئەنجام دراوە، ١٥ کەس لە هێزەکانی سوپای نیجیریا کوژراون و چەندین کەسی دیکەش بریندار بوون.

سنوورەکانی نیجیریا و دەریاچەی چاد لە ساڵەکانی ئەم دواییەدا ناوەندی هێرش و جموجۆڵەکانی گروپە تیرۆریستییەکان داعش و بۆکۆحەرام بوون.

رووخاندن و دەسبەسەر داگرتنی ٨٩ خانووی فەلەستینیەکان لە ماوەی دوو هەفتە

هەواڵە تایبەتەکان: نووسینگەی هەماهەنگی کاروباری مرۆڤایەتی ڕێکخراوی نەتەوەیەکگرتووەکان لە فەلەستین لە راپۆرتێکدا راگەیاند کە رژێمی زایۆنیستی لە ماوەی دوو هەفتەی رابردوو ٨٩ خانووی تایبەت بە فەلەستینیەکانی لە کەنارەکانی ڕۆژئاوای ڕووباری ئوردن لە فەلەستین، دەستبەسەر دا گرتووە یان رووخاندوویەتی.

لەم ڕاپۆرتەدا ئاماژە بەوە کراوە لە ئەنجامی ئەم کارە، ١٤٦ فەلەستینی کە لە نێویاندا ٨٣ منداڵ دان، ئاوارە بوون و ٣٣٠ کەسی دیکە زیانیان پێ گەیشتووە.

هێزەکانی رژێمی ئیسرائیل لە دوو هەفتەی رابردوو هەروەها ١٧٢ فەلەستینییان لەو ناوچەیە دەسبەسەر کردووە.

ئەمە لە کاتێکدایە کە لە هێرشی یەهودیە توندڕەوەکان بۆ سەر زەوییە کشتوکاڵییەکانی فەلەستینیەکان، زیاتر لە هەزار داری ئەو زەویانە بڕدراون و هەروەها زیانێکی زۆر بەر ئۆتۆمبێلی فەلەستینیەکان گەیەندراوە.

ئەنسارۆڵڵا لە بەنداوی مأرب پاشەکشەی کرد + نەخشەی ناوچەکە

هەواڵە تایبەتەکان: لەگەڵ بەردەوامی ئۆپەراسیۆنی هێزەکانی ئەنسارۆڵڵا لە رۆژئاوای پارێزگای مأرب، ئەو هێزانە لە بەنداوی مأرب و چەندین ناوچەی دیکە پاشەکشەیان کردەوە. 

لە دوو رۆژی رابردوو میحوەری "طلعه الحمرا" و ڕۆژئاوای بەنداوی مأرب میحوەری سەرەکی شەڕ و پێکدادانەکانی ئەنسارۆڵڵا و هاوپەیمانی سعودیە بوو. ئەنسارۆڵڵا دوای شەڕێکی سەخت لەگەڵ هێزەکانی هاوپەیمانی سعودیە و چەکدارانی گروپی تیرۆریستی داعش و ئەلقاعیدە لە چەند ناوچەی دەوروبەری بەنداوی مأرب پاشەکشەی کردەوە.

ئەنسارۆڵڵای یەمەن داوایەکی بایدنی سەبارەت بە ئێران ڕەتکردەوە

بزوتنەوەی ئەنسارۆڵڵای یەمەن داوایەکی سەرۆک کۆماری ئەمریکای ڕەتکردەوە و جەختیکردووەتەوە کە پەیوەندییەکان لە گەڵ کۆماری ئیسلامی ئێران بەردەوام دەبێت.

 پاش ئەوەی کە جۆبایدن سەرۆک کۆماری ئەمریکا لە لێدوانێکدا جەختی لە سەر کۆتایی هێنان بە شەڕی یەمەن کردەوە، نێردەیەکی تایبەتی بۆ ئەم مەبەستە دەستنیشان کرد و ئەویش لە پەیوەندیی لە گەڵ بەرپرسانی بزوتنەوەی ئەنسارۆڵڵا ڕایگەیاند کە لە بەرامبەر کۆتایی هێنان بە شەڕ و هەڵگرتنی سزاکان، پەیوەندییەکانیان لە گەڵ ئێران ڕابگرن و لە چوارچێوەی ئەنجومەنی هاریکاری کەنداوی فارس لە ناوچەکە ڕۆڵی خۆیان بگێڕن.

بەرپرسانی بزوتنەوەی ئەنسارۆڵڵای یەمەن ئەو داوایەی سەرۆک کۆماری ئەمریکا ڕەتکردووەتەوە و ڕایگەیاندووە کە دەستێوەردان لە کاروباری یەمەن هیچ جیاوازییەکی لە گەڵ شەڕی دژ بە خەڵکی ئەم وڵاتە نییە و ئەم دەستێوەردانە ڕەتدەکەینەوە.

بەرپرسانی ئەنسارۆڵڵای یەمەن بەرامبەر بە ئەمریکییەکان ڕایانگەیاندووە، ئەوەی کە یەمەن لە کام بەرەی ناوچەکە بێت، یان لە ئاستی نێودەوڵەتی چ سیاسەتێکی هەبێت، پرسێکی ناوخۆیی یەمەنە و هەر بڕیارێک لەم بوارەدا تەنیا لای خەڵکی یەمەنە و دەستێوەردانی دەرەکیش بە واتای پێشێلکردنی سەربەخۆیی و سەروەری ئەم وڵاتەیە.

بەرپرسانی ئەنسارۆڵڵا هەروەها ئەوەیان بە نێردەی ئەمریکا ڕاگەیاندووە کە سەبارەت بە کۆتایی هێنان بە شەڕ، بە بێ قبووڵکردنی مەرجی هیچ لایەنێک، ئامادەی هاوکارین لە گەڵ ڕێکخراوی نەتەوە یەکگرتووەکان.

جام کوردی

ڤیدیۆ | حزبوڵڵای لوبنان شوێنی بنکە سەربازی و کۆگاکانی چەکی ئیسرائیل ئاشکرا کردەوە

هەواڵە تایبەتەکان: دوای ئەوەی سەرۆک ئەرکانی سوپای رژێمی ئیسرائیل راگەیاند، حزبوڵڵای لوبنان بنکە سەربازی و مووشەکییەکانی خۆی لە ناوچەکانی نیشتەجێ بوون دادەمەزرێنێت، حزبوڵڵا ڤیدیۆیەک لە بنکە سەربازییەکانی رژێمی زایۆنیستی لە ناوچەکانی نیشتەجێ بوونی بڵاو کردەوە لە ژێر ناونیشانی "ئەی زایۆنیستەکان... ئێوە لە ناو شارەکانی خۆتان بنکەی سەربازی و ئەمنیەتی ـتان هەیە"

بەنداوی مأرب لەلایەن هێزەکانی ئەنسارۆڵڵا کۆنترۆل کرایەوە + نەخشەی ناوچەکە / داعش هاوکاریی سعودیە دەکات

هەواڵە تایبەتەکان: لەگەڵ بەردەوامی ئۆپەراسیۆنی هێزەکانی ئەنسارۆڵڵا (حوسییەکان) دژ بە هێزەکانی هاوپەیمانی سعودیە لە پارێزگای مأرب ـی یەمەن، بەرزاییەکانی باشوری بنکەی "کوفل" و بەنداوی مأرب و هەروەها "جبل البلق" لەلایەن ئەنسارۆڵڵاوە کۆنترۆل کران.

بە پێی دوایین هەواڵەکان لە میحوەری مأرب، دوای شەڕی سەختی ئەنسارۆڵڵا لەگەڵ هاوپەیمانی سعودیە و گروپە تیرۆریستییەکانی داعش و ئەلقاعیدە لە میحوەری رۆژئاوای شاری مأرب، هێزەکانی ئەنسارۆڵڵا توانیەتی ناوچەکانی ئاماژە پێ کراو کۆنترۆل بکاتەوە. پێکدادان لە ناوچەکانی "طلعه الحمرا" و ڕۆژهەڵاتی "هیلان" بەردەوامە و تیرۆریستانی داعش و ئەلقاعیدە بۆ هاوکاری هاوپەیمانی سعودیە لەو میحوەرانە جێگیر کراونەتەوە.

بەنداوی مێژووی مأرب دەکەوێتە باشوری رۆژئاوای شاری مأرب و لەبەر بەرزایی و شوێنی گرنگیی، ڕۆڵێکی ستراتیژی لە کۆنترۆل کردنی ناوچەکە هەیە. وەک دەوترێت مێژووی ئەو بەنداوە دەگەڕێتەوە بۆ ٤ هەزار ساڵ پێش زایین و لە ماوەی ساڵانی رابردوو نۆژەن کراوەتەوە. بەنداوی مأرب نزیکەی ٣٠ کیلۆمەتری چوارگۆشە ڕووبەری هەیە و توانای هەڵگرتنی ٤٠٠ ملیۆن مەتری چوارگۆشە ئاوی هەیە.

لە ماوەی شەڕ و پێکدادانەکانی ساڵی ٢٠١٥ لە نێوان هاوپەیمانی سعودیە و هێزەکانی ئەنسارۆڵڵا، زیان بەر دیواری ئەو بەنداوە گەیشتەوە. هەر دوای ئەوە ئەنسارۆڵڵا تا ناوچەکانی ڕۆژهەڵاتی "صرواح" پاشەکشەی کرد و لە ئێستادا دوای ٦ ساڵ دووبارە کۆنترۆڵی ئەو بەنداوەی کردەوە.

رۆژی رابردوو گروپی تیرۆریستی داعش بە بڵاو کردنەوەی بەیاننامەیەک بە شێوەی فەرمی لە ئامادە بوونی چەکدارانی لە میحوەری مأرب بۆ شەڕ کردن دژ بە هێزەکانی ئەنسارۆڵڵا هەواڵی دایەوە.

ئەمە لە کاتێکدایە پێشتر چەکدارانی داعش بۆ شەڕ کردن دژ بە هێزەکانی ئەنسارۆڵڵا، هاوکاریی هاوپەیمانی سعودیە لە ناوچەکانی "صنعاء" و "صعده"یان کرد بوو.

هێرش کرایە سەر کاروانێکی لۆجستیکی هێزەکانی ئەمریکا لە عێراق

هەواڵە تایبەتەکان: کاروانێکی گواستنەوەی کەلوپەلی سەربازی ئەمریکا لە ناسریە لە عێراق کرایە ئامانج.

گروپی "اصحاب الکهف" کە گروپێکی بەرخۆدانی عێراقیە بەرپرسیارێتی ئەم هێرشەی گرتە ئەستۆ.

حەسەن نەسروڵڵا: ئیدارەی نوێی ئەمریکا هەوڵی زیندووکردنەوەی داعش دەدات

هەواڵە تایبەتەکان: حەسەن نەسروڵڵا ئەمینداری گشتی حزبوڵڵای لوبنان بە بۆنەی ساڵۆگەڕی کوژرانی عیماد موغنیە فەرماندەیەکی هێزەکانی حزبوڵڵا وتارێکی پێشکەش کرد.

ناوبراو لە بەشێک لە قسەکانی خۆیدا بە ئاماژە بە چالاکییەکانی داعش لە وڵاتانی سوریا و عێراق، وتی: حکومەتی نوێی ئەمریکا بە سەرۆکایەتی جۆبایدن دەیەوێت بە چالاککردنەوەی ئەم گرووپە تیرۆریستییە پاساوێکی بۆ مانەوەی هێزەکانی لەم دوو وڵاتە هەبێت، ئەمەش لە کاتێکدایە کە داواکارییەکانی خەڵک بۆ دەرکردنی هێزەکانی ئەمریکا زیاتر بووە و دەسەڵاتدارانی کۆشکی سپی لە ڕێگای داعشەوە دەیانەوێت بەردەوامی بە بوونی سەربازی لە سوریا و عێراق بدەن.

جام کوردی

یەکەم وێنەی ناو بنکەی ئەمریکا دوای هێرشەکەی هەولێر بڵاو کرایەوە

کەناڵی ئەلعەرەبییە وێنەی ناو بنکەی سەربازی ئەمریکای لە هەولێر دوای هێرشەکەی دووشەممەی بڵاو کردەوە کە هەر وەک گروپی "سرايا اولياء الدم" لە بەیاننامەیەکدا ئاماژەی پێ دا بوو، زیانێکی زۆر بەر ئەو بنکە سەربازییەی ئەمریکا کەوتووە.

گروپی "سرايا اولياء الدم" لەسەر هێرشەکەی هەولێر بەیاننامەیەک بڵاو کردەوە

هەواڵە تایبەتەکان: گروپی "سرايا اولياء الدم" لەسەر هێرشەکەی هەولێر بەیاننامەیەک بڵاو کردەوە و تێدا هاتووە:

١- داگیرکەرە ئەمریکییەکان تەنانەت ئەگەر بنکە سەربازییەکانیان بۆ حکومەتێکی بەکرێگیراو [حکومەتی هەرێمی کوردستان] بگوازرێنەوە هەر پارێزراو نابن.

٢- هێرشەکەی هەولێر هەڵگری پەیامێکی ئێمە بۆ هەندێک لە سیاسەتمەدارانی کورد بوو کە رێگای هەڵەیان گرتوەتە بەر و ئەگەر رێگای دروست هەڵنەبژێرن بەو مووشەکانەی کە هێشتا لە کوردستان و بە تایبەتی لە هەولێر هەمانە، دەیانکەینە ئامانج.

٣- ئێوە ڕێبەرانی کورد هێشتا لە داگیر کردنی خاکی عێراق لەلایەن تورکیاوە پاڵپشتی دەکەن و مەسعود بارزانی پێشەنگی هاتنی سوپای تورکیا بۆ عێراقە.

٤- دوپاتی دەکەینەوە کە خەڵکی سڤیل و هێزە کوردییەکان برایان و ئازیزانی ئێمەن و ئێمە جگە لە بنکە ئەمریکییەکان و تورکییەکان و ئیسرائیلییەکان هیچ شوێنێکی دیکە ناکەینە ئامانج.

٥- ئێمە نامانەوێت زیان بە هیچ کەسێک لە کوردستان بگەیەنین و داوا لە هێزە کوردییەکان دەکەین لە بنکەکانی ئەمریکا و تورکیا و ئیسرائیل دوور بکەونەوە.

٦- بێ بایەخ و بچووک هەژمار کردنی هێرشەکانی ئێمە لەلایەن سەرچاوەکانی دوژمن و بەکرێگیراوان بۆمان بووەتە شتێکی ئاسایی. ڕاستییەکەی ئەوەیە کە لە هێرشە مووشەکییەکی ڕۆژی رابردوو ئەفسەران و سەربازە ئەمریکییەکان کوژراون و بیناکان و کۆگای چەک و تەقەمەنییەکان و فڕۆکەکانی داگیرکەران [ئەمریکییەکان] لە ئاگر سووتان و تەقینەوەکان تا بەیانی بەردەوام بوون.

٧- لە جۆری مووشەکەکان و چۆنییەتی هاوێشتنیان دوژمن تووشی ترس کرد.

٨- فڕۆکەخانەی هەولێر پارێزراو دەبێت و ئێمە هیچ کاتێک ناکەینە ئامانج و ئەگەر نیازی ئەوەمان هەبایە بۆ ئێمە زۆر ئاسانە.